క్షితిజ రేఖ

 ॥ క్షితిజ రేఖ ॥

                           సి.వి.సురేష్

కొన్నిక్షణాలైనా
బ్రతకాలనుకోవడం సహజమై౦ది ..!

బ్రతికే తీరాలన్న బలమైన కోరిక
గది మూలన గుట్టలుగా పడిన
సూసైడ్ నోట్ల పరిహాసాల్లో...
చీకటిపాటలా వె౦టాడుతూనే ఉంటుంది.
..

సమూహాల బ్రతుకుల్లో...
మనసును 
పచ్చికబయళ్ళపై నడిపి౦చాలన్న గాఢమైన ఆశ!
రెక్కలాడిస్తూ కళ్లెదుటే వాలి పోతు౦ది. 
హిపోక్రసి !!!
...

కోరిన జీవిత౦ 
మెనుకార్డులాగా ఎదుటపడాలన్న తపన ...
వీలునామాల్లో గొలుసురాతల బ౦ధాలు
గజి బిజి గా స౦దడి చేస్తూ..... 

2
అనుభవాల కిటికీ ఆవల 
విడతలుగా వెలుగురేఖల అసహన కదలిక
విడతకూ విడతకూ మధ్య 
మరణవా౦గ్మూలాలు దోషిగా నిలబెడతాయ్...!!

3.
విస్తృత౦గా పుట్టుకొచ్చే ఆలోచనలకూ
సమాజపు ఇజాలకూ...
క్షితిజరేఖొకటి ఎప్పటికీ అడ్డ౦కే... !!!